«Lebapobahyzmat» önümçilik birleşiginiň ýerlerdäki kärhanalary bosagada duran möhüm möwsüme — pagta ýygymyna taýýarlykly geldiler. Önümçilik birleşigine degişli pagta ýygyjy kombaýnlaryň 300-den gowragy möwsüme doly taýýar edildi diýlip, «Türkmenistan» gazetinde habar berildi.
Habarda bellenilişi ýaly, soňky ýyllarda satyn alnan kombaýnlaryň 218-si «John Deere 9970» kysymly kombaýnlardyr. Şeýle hem möwsümde «MX-1,8» kysymly tirkelýän kombaýnlaryň 90-synyň güýjünden peýdalanylar.
Tehnikalaryň ätiýaçlyk şaýlarynyň Türkmenabat şäherindäki ýöriteleşdirilen kärhanada ýasalmagy bolsa işleriň öz wagtynda alnyp barylmagyny üpjün edýär diýlip, habarda bellenilýär.
