Girmek
Türkmenistanyň Döwlet medeniýet merkeziniň Mukamlar köşgünde 2025-nji ýylyň «Halkara parahatçylyk we ynanyşmak ýyly» diýlip atlandyrylmagy mynasybetli “Arkadagly Serdaryň dünýä uzan ak ýoly — Halkara parahatçylyk we ynanyşmak ýyly” atly dabaraly maslahat geçirildi. Oňa Hökümet agzalary, Mejlisiň, Halk Maslahatynyň, ministrlikleriň, pudaklaýyn dolandyryş edaralarynyň, jemgyýetçilik guramalarynyň ýolbaşçylary, ylym, döredijilik intelligensiýasynyň, ýokary okuw mekdepleriniň, köpçülikleýin habar beriş serişdeleriniň wekilleri gatnaşdylar diýip, Türkmenistanyň Döwlet habarlar agentligi habar berýär.
Bellenilişi ýaly, Mukamlar köşgüniň eýwanynda ýurduň Garaşsyzlygyny, Bitaraplygyny, berkarar türkmen döwletiniň abadan durmuşyny şöhlelendirýän hem-de türkmen halkynyň taryhyndan söz açýan amaly-haşam sungatynyň eserleriniň sergisi-de ýaýbaňlandyryldy.
Dabaraly maslahat sungat ussatlarynyň aýdym-sazly çykyşlary bilen utgaşdy. Ol 2025-nji ýylda geçiriljek köp sanly çäreleriň özboluşly badalgasy boldy.
Maslahatyň ahyrynda oňa gatnaşyjylar Türkmenistanyň Prezidenti Serdar Berdimuhamedowyň adyna Ýüzlenme kabul etdiler.