Türkmenistanyň ýaşlaryny Merkezi Aziýanyň ýaş liderler üçin niýetlenen GoViral75: Emerging Leaders Fellowship maksatnamasyna gatnaşmaga çagyrýarlar.
Maksatnama sebitiň ýurtlarynyň arasynda özara gatnaşyklary pugtalandyrmak maksady bilen, media, işewürlik, medeniýet we tehnologiýa ugurlarynda ýaşlaryň başlangyçlaryny goldamaga gönükdirilendir.
Maksatnamanyň çäklerinde işewürlik we dizaýn ugry boýunça sessiýalar, endik-başarnyklary ösdürmek boýunça okuw seminarlary, Merkezi Aziýanyň ähli ýurtlarynda festiwallaryň toplumy, sebit forumy, şeýle hem maksatnamanyň tutuş dowamynda mentor goldawyny bermek meýilleşdirilýär.
Maksatnama gatnaşmak üçin media, işewürlik, medeniýet, tehnologiýa we adam hukuklary ugurlarynda tejribesi ýa-da häzirki wagtda işjeňligi bolan 18-35 ýaş aralygyndaky Merkezi Aziýa ýurtlarynyň ýaş işjeňler arza berip bilerler.
Şeýle hem iň gowy taslamalar üçin kiçi-grantlar: işewürlik pikir-teklipleri durmuşa geçirmek üçin 10 ugur boýunça, döredijilik taslamalaryny amala aşyrmak üçin 8 sany we media taslamalaryny işläp düzmek üçin 5 sany grant göz öňünde tutulýar.
Arzalar 25-nji ýanwara çenli (23:59 GMT +5) kabul edilýär.
Arzany şu internet salgysy boýunça dolduryp bilersiňiz.
GoViral taslamasy Türkmenistanda eýýäm 4-nji ýyl hereket edýär. Sebit platformasy ABŞ-nyň döwlet departamentiniň başlangyjy bolup, Amerikanyň Birleşen Ştatlarynyň Merkezi Aziýa ýurtlaryndaky diplomatik wekilhanalary tarapyndan goldanylýar. Taslama sosial innowasiýalary ösdürmäge we işewürlik, media, medeniýet we tehnologiýa pudaklaryny öňe sürmäge gönükdirilendir. Taslama barada has giňişleýin maglumaty onuň sosial ulgamdaky sahypasyndan alyp bilersiňiz.
