Gyrgyzystanyň Türkmenistandaky ilçihanasy diplomatlar we KHBS üçin brifing geçirdi

Gyr­gyz Res­pub­li­ka­sy­nyň Türk­me­nis­tan­da­ky Adat­dan da­şa­ry we Do­ly yg­ty­ýar­ly il­çi­si Aziz­bek Mad­ma­row 2024-nji ýylyň 16-njy sentýabrynda Aşgabatda diplomatlar we köpçülikleýin habar beriş serişdeleriniň (KHBS) wekilleri üçin brifing geçirdi. Oňa kä­bir il­çi­ha­na­la­ryň ýol­baş­çy­la­ry­dyr iş­gär­le­ri, ýur­tda kow­çum bo­lup ýa­şa­ýan gyr­gyz­la­ryň we­kil­le­ri, žur­na­list­ler gat­naş­dy­lar. Bu barada «Türkmenistan» gazetinde habar berildi.

Bri­fin­giň do­wa­myn­da Aziz­bek Mad­ma­row çy­kyş edip, öz we­kil­çi­lik ed­ýän ýur­du­nyň soň­ky üç ýyl­da­ky yk­dy­sa­dy ösüş dep­gi­ni, ama­la aşy­ryl­ýan dur­muş-yk­dy­sa­dy, de­mok­ra­tik öz­gert­me­ler, ga­za­ny­lan üs­tün­lik­ler ba­ra­da gi­ňiş­le­ýin gür­rüň ber­di.

Dip­lo­ma­tyň aýt­ma­gy­na gö­rä, soň­ky ýyl­lar­da ýur­duň yk­dy­sa­dy­ýe­tin­de dur­nuk­ly ösüş sak­la­nyp, je­mi içer­ki önü­miň or­ta­ça ösüş dep­gi­ni 7 gö­te­ri­me deň bol­dy we äh­li pu­dak­lar­da ýo­ka­ry ne­ti­je­ler ga­za­nyl­dy. 2023-nji ýyl­da je­mi içer­ki önüm ba­bat­da ta­ry­hy sep­gi­de ýe­til­di. Şon­da onuň möç­be­ri 1 tril­li­on 229 mil­li­on so­ma (tak­my­nan, 14 mil­liard ame­ri­kan dol­la­ry) ba­ra­bar bo­lup, mu­nuň özi ge­çen ýyl­lar­da­ky­dan gör­ne­tin ýo­ka­ry gör­ke­zi­ji­dir.

JIÖ-niň jan ba­şy­na düş­ýän möç­be­ri­ni art­dyr­mak, pu­luň hüm­met­siz­len­mek de­re­je­si­ni azalt­mak bo­ýun­ça-da anyk çä­re­ler gö­rül­di. Döw­let ta­ra­pyn­dan edi­len şeý­le ta­gal­la­lar ne­ti­je­sin­de, bu gün­ki gün Gyr­gyz Res­pub­li­ka­sy öz üs­tü­ne alan borç­na­ma­la­ry­ny üs­tün­lik­li ýe­ri­ne ýe­tir­mä­ge ukyp­ly yg­ty­bar­ly hyz­mat­da­şa öw­rül­di.

Bri­fin­giň ahy­ryn­da il­çi­ha­na ta­ra­pyn­dan taý­ýar­la­nan, Gyr­gy­zys­ta­nyň se­bit­le­rin­de ama­la aşy­ryl­ýan dür­li mak­sat­ly tas­la­ma­lar bi­len ta­nyş­dyr­ýan gys­ga­ça wi­deo­film­ler gör­ke­zil­di. Soň­ra dip­lo­mat žur­na­list­le­ri gy­zyk­lan­dyr­ýan so­wal­la­ra jo­gap ber­di.