Ýewraziýa Ykdysady bileleşigi Türkmenistan bilen ykdysady hyzmatdaşlygy ösdürmäge gyzyklanma bildirýär. Bu barada 10-11-nji sentýabrda Aşgabatda geçirilen Türkmenistanyň maýa goýum forumynyň çäginde eden wideoýüzlenmesinde Ýewraziýa Ykdysady bileleşiginiň makroykdysadyýet we integrasiýa ministri Sergeý Glazýew mälim etdi.
«On ýyldan sähel gowrak wagtyň içinde Ýewraziýa Ykdysady bileleşigii diňe bir Beýik Ýewraziýa hyzmatdaşlygynyň özeni bolman, eýsem, Türkmenistanda ulag-logistika, energetika we senagat pudaklarynda bilelikdäki taslamalaryň durmuşa geçirilmegine gatnaşdy hem-de häzirki zaman dünýäsini ösdürmek üçin täze güýçli we işjeň düzüm hökmünde orta çykdy» diýip, Sergeý Glazýew belledi.
Sergeý Glazýew Ýewraziýa Ykdysady bileleşiginiň ýurtlary bilen Türkmenistanyň arasyndaky söwda, ykdysady we maýa goýum hyzmatdaşlygynyň oňyn ösüş depginini, şeýle hem agrosenagat toplumy, himiýa senagaty, metallurgiýa, nebit we gaz himiýasy ýaly ugurlarda özara hyzmatdaşlygy pugtalandyrmak arkaly mundan gatnaşyklaryň beýläkki ösüşine bolan gyzyklanmany belläp aýratyn nygtap geçdi.
Ýeri gelende bellesek, 10-11-nji sentýabrda Aşgabatda geçirilen Türkmenistanyň maýa goýum forumynyň çäginde eden çykyşynda Russiýanyň ykdysady ösüş ministri D.Wolwaç şu ýylyň birinji ýarymynda Türkmenistan bilen Ýewraziýa Ykdysady bileleşiginiň ýurtlarynyň arasyndaky özara söwda dolanyşygynyň 40 göterime golaý artandygyny mälim edipdi.
