Ýaponiýada ýurda düşen «Şanşan» deňiz harasaty sebäpli heläk bolanlaryň sany 4 adama ýetdi, ýene 96 adam şikes aldy. Bu barada «The Japan Times» neşirine salgylanýan «Interfax.ru» habar berdi.
Tupan sebäpli, ýurduň Kýusýu adasynda 100 müňden gowrak öý çyrasyz galdy. «Toyota», «Honda» we «Nissan» zawodlarynyň işi togtadyldy.
Häzirki wagtda «Şanşan» güýjüni ýitirdi, ol indi tropiki gom hökmünde bahalanýar.
Ýapon meteorologlary ýurduň ilatyna çabgalardyr güýçli şemal howpy barada duýdurdylar. Öň Ýaponiýanyň prefekturalarynyň käbiriniň arasynda tiz otlularyň hereketiniň çäklendirilendigi we ýüzlerçe uçar gatnawlarynyň ýatyrylandygy habar berildi.
