1. Aşgabadyň we Kazanyň arasynda dowamly howa gatnawlarynyň gaýtadan dikeldilmegi sebäpli Russiýanyň Türkmenistandaky ilçihanasy ýörite uçuşlar üçin resminama kabul edişligini aradan aýyrýar. 2022-nji ýylyň 10-njy, 17-nji we 24-nji iýunynda meýilleşdrilen ýörite uçuşlar adaty tertipde amala aşyrylar.
2. Aşgabat şäherinde 6-njy iýunda sagat 10:00-da beýik rus şahyry Aleksandr Puşkiniň ýadygärligine gül desselerini goýmak çäresi guralar. Çäre Rus diliniň halkara güni we şahyryň dogulmagynyň 223 ýyllygy mynasybetli geçuriler .
3. 4-nji iýunda sagat 16:00-da «Aşgabat» söwda-dynç alyş merkezinde «Gizia» haryt nyşanly aýallar üçin niýetlenen egin-eşikler dükanlarynyň Türkmenistandaky ilkinji dükanynyň açylyş dabarasy geçiriler. Açylyş dabarasynda myhmanlara 2022-nji ýylyň ýaz-tomus egin-eşik toplumynyň moda görkezilişi, täsirli çykyşlar we baýrakly oýunlar garaşýar.
4. Türkmenistanyň paýtagtynda okuwçylaryň çagalar sungat mekdeplerine kabul edişligi başlandy. Bu merkezlerde çagalar dürli saz gurallaryny çalmagy öwrenip we sungatyň amaly bilimlerini özleşdirip bilerler.
5. «Dinamika» fitnes-kluby Aşgabadyň ýaşaýjylaryny türgenleşige çagyrýar. Saglygyňy berkitmek, bedeniň çeýeligini we syratlylygyny artdyrmak – bu sport bilen meşgullanmak üçin sebäpleriň diňe käbirleridir. «Dinamikada» gyzlar üçin ýörite türgenleşik zallary, çagalar üçin şertler we ähli isleg birldirýänler üçin krossfit türgenleşikleri göz öňünde tutulandyr. Has anyk maglumatlar bilen aşakdaky telefonlar arkaly tanşyp bilersiňiz: +99312 97 37 03; +99363 84 71 16; +99365 80 74 64.
6. Şotlandiýada ýyllyk $77,5 müň dollar zähmet haky bolan mekdep müdiriniň wezipesi döredildi. Meýdany 12,7 inedördül kilometr bolan adajykda 28 adam ýaşaýar. Mekdepde bary-ýogy 4 okuwçy okaýar, mundan başga-da ýene bir çaga çagalar bagynda terbiýelenýär. Täze mekdep müdirine $77,5 müň dollar zähmet hakyndan başga-da, hiç hili tölegsiz 3 sany ýatylýan otagy bolan jaý hem berler.
7. Ýelizaweta II-niň tagta geçmeginiň 70 ýyllygy mynasybetli Beýik Britaniýada we ýene 54 döwletde duýduryş maýaklary ýakyldy. Çärä hut şa aýalynyň özi badalga berdi. Dabaraly çäre Beýik Britaniýada dört günläp dowam eder.
8. Futbol boýunça Aziýanyň Kubogy-2022 (23 ýaşa çenli) çempionatynyň toparlaýyn tapgyrynyň ikinji aýlawlaýyn tapgyrynda Türkmenistanyň we Eýranyň ýaşlar ýygyndylarynyň duşuşygy Täjigistanyň umumymilli «Futbol» teleýaýlymy tarapyndan görkeziler. Oýun şu gün göni ýaýlymda Aşgabat wagty bilen 17:55-de görkezilip başlanar. Duşuşyk Daşkendiň «Bunýodkor» stadionynda geçiriler.
9. Türkmenistanyň milli ýygyndysynyň welosipedçileri 18-22-nji iýun aralygynda Nýu-Delide (Hindistan) geçiriljek welosportyň trek görnüşi boýunça Aziýanyň çempionatyna gatnaşarlar. Türkmenistanly türgenler welospotyň dürli görnüşleri – sprint, git (1000 metr aralyga), keýrin, toparlaýyn yzarlamak ýaryşy, utuklaýyn ýaryş, skretç we omnium boýunça medal ugrunda göreşerler.
