Döwlet Howpsuzlyk geňeşiniň sekretary wezipesine general-leýtenant Begenç Gündogdyýew bellenildi.
2. Türkmenistan dünýä jemgyýetçiligi bilen bilelikde Bütindünýä Saglyk gününi belläp geçýär. Şanly waka mynasybetli, Türkmenistanda köpçülikleýin bedenterbiýe-sport we medeni çäreler geçirilýär.
3. Aşgabadyň ýaşaýjylaryna awtobuslaryň hereketini onlaýn yzarlamak mümkinçiligi elýeterli edildi. «Duralga» ykjam goşundysynda awtobuslaryň hereketini onlaýn ýagdaýda yzarlap bilmek mümkinçiligi döredildi.
4. Prezident Serdar Berdimuhamedow we Milli Geňeşiň Halk Maslahatynyň Başlygy Gurbanguly Berdimuhamedow RF-niň Baştutany Wladimir Putine Russiýanyň Liberal Demokratik partiýasynyň ýolbaşçysy Wladimir Žirinowskiniň aradan çykmagy bilen bagly çuňňur gynançlaryny bildirdiler. W.Žirinowski agyr hem dowamly kesel zerarly ömrüniň 76-njy ýylynda aradan çykdy.
5. Daşoguz welaýatynda «Nowruz», «Suwçy», «Merkez-1» täze ýaşaýyş toplumlaryny gaz bilen üpjün etmek boýunça işler geçirildi. «Gülüstan» etrabynda ilata gazyň berlişini gowulandyrmak maksady bilen uzynlygy 8268 metr bolan orta basyşly gaz geçirijisi gaýtadan çekildi.
6. Türkmenistanly mekdep okuwçylary Astrahanyň döwlet uniwersitetiniň hukuk fakultetinde okamaga çagyryldy. Puşkin adyndaky mekdebiň okuwçylaryna hukukçy, jemgyýetçilik bilen aragatnaşyk hünärleri hakynda we rus hukugynyň taryhy hakynda gürrüň berildi.
7. Türkmenistanyň Saglygy goraýyş we derman senagaty ministrligine COVID-19-y anyklamak üçin 193 müň sany PZR testleri berildi. Olaryň umumy bahasy 998 935 ýewro barabar. Test ulgamlarynyň nobatdaky tapgyry Bütindünýä banky tarapyndan maliýeleşdirilýän taslamanyň çäginde BMGÖM-den Türkmenistana berildi.
8. Çempionlar ligasynyň çärýek final tapgyrynyň birinji duşuşygynyň çäklerinde «Çelsi» öz meýdançasynda «Realdan» 3:1 hasabynda ýeňildi. Madridiň klubynyň düzüminde 3 goly hem Karim Benzema geçirdi.
9. Ugurdaş duşuşykda «Bawariýa» myhmançylykda 1:0 hasabynda «Willarealdan» asgyn geldi. Lewandowski topardaşlary bilen «Willareala» garşy durup bilmediler.
10. Indiana we Wiskonsin uniwersitetleriniň alymlary barlag geçirdiler. Oňa laýyklykda, dinozawrlara aşa köp gyzyklanma bildirýän çagalarda intellekt derejesi has ösen bolýar. Bellenilişi ýaly, dinozawrlar bilen gyzyklanmagy gadymy haýwanlaryň muşdaklaryna ulalanlarynda kynçylyklara garşy zor durmaga kömek eder.
11. Galaxy S9 we S9+ öndürileninden dört ýyl geçenden soň, täzelenme almagyny bes etdi. Samsung kompaniýasy 2018-nji ýylda öndürilen flagman smartfonlarynyň goldawyny bes etdi.
