2024-nji ýylyň awgustynda Azerbaýjana baran türkmenistanly syýahatçylaryň sany geçen ýylyň degişli döwründäkiden 16 göterim ýokarlandy. Bu barada Azerbaýjanyň Syýahatçylyk baradaky döwlet agentliginiň maglumatlaryna salgylanyp, «Trend» ýazýar.
Çeşmede bellenilişine görä, geçen aýda Türkmenistanyň 2 müň 927 sany raýaty Azerbaýjana syýahat edipdir. Bu Merkezi Aziýa döwletleriniň arasynda ikinji görkezijidir. Sanawda birinji orundan Gazagystan (9 müň 323 syýahatçy) orun alypdyr. Umuman alnanda awgustda Azerbaýjana Merkezi Aziýa ýurtlaryndan jemi 17 müň 738 jahankeşde gelipdir. Bu bolsa geçen ýylyň degişli döwri bilen deňeşdirilende, 13 göterim köpdür.
