Meşhur aýdymçy Jastin Biber Mumbaýda toýdan öňki dabarada konsert bilen çykyş etdi diýip, «MIR 24» habar berdi.
Dabara ýurduň iň baý adamy – 29 ýaşly Anant Ambaniniň nika toýunyň hormatyna guraldy, ol hindistanly milliarder Mukeş Ambaniniň mirasdüşer ogludyr. Onuň gelinligi hindi telekeçisi Wiren Merçantyň 29 ýaşly gyzy Radhika Merçantdyr.
Toý 12-nji iýulda bolmaly, emma ol yglan edileninden bäri birnäçe dabaralar guraldy. Biber jübütleriň hormatyna guralan aýdym-sazly agşamda çykyş etdi. Oňa iki müň adam ýygnandy. Ýurda öz şahsy uçarynda gelen 30 ýaşly aýdymçyny Mumbaýyň howa menzilinde ok geçmeýän, altyn çaýylan «Mersedes» ulagda garşyladylar. Jastin Biber öz çykyşy üçin 10 million dollar hak aldy.
