Özbegistanyň futbol çempionatynyň 7-nji tapgyrynda «Sogdiana» «Metallurgy» myhmançylykda 2:0 hasabynda ýeňdi. Duşuşyk Bekabad stadionynda geçirildi.
Myhman topar 42-nji minutda Şahboz Jurabekowyň, 86-njy minutda bolsa Marko Kolakowiçiň geçiren pökgüleri bilen ýeňiş gazandy.
«Sogdiananyň» türkmenistanly ýarym goragçysy Arslanmyrat Amanow duşuşyga ätiýaçdaky oýunçylaryň hatarynda başlady. 74-nji minutda oýna giren ildeşimiz 86-njy minutdaky kelle pasy bilen Marko Kolakowiçiň tapawutlanmagyna uly goşant goşdy.
Ýedi duşuşykda 15 utuk toplan «Sogdiana» häzir ýaryş tertibiniň ikinji basgançagynda.