Türkmenistanly eminler topary Malaýziýanyň paýtagty Kuala-Lumpurda geçirilen AFK-nyň saýlanan Eminleriniň okuw-maslahatyna gatnaşdylar. Bu barada Türkmenistanyň Futbol federasiýasynyň resmi saýty habar berýär.
Okuw-maslahatyna gatnaşmaga FIFA-nyň emini Çarymyrat Gurbanow, FIFA-nyň emininiň kömekçileri Ahmet Begnazarow hem-de Pälwan Pälwanow dagy çakylyk aldylar.
Okuw-maslahatynyň dowamynda nazaryýetdir tejribe sapaklary geçirilip, onuň soňunda ýörite guralan fitnes synagy geçirildi. Türkmen eminleriniň üçüsi-de synagdan üstünlikli geçip, 2020-nji ýylda AFK-nyň bäsleşiklerinde eminlik etmäge mümkinçilik aldylar.