“Merw” toparynyň futbolçylary hiç bir gypynçsyz Türkmenistanyň Kubogy ugrundaky bäsleşigiň çärýekfinalyna çykmagy başardy diýip, TFF-niň resmi saýty ýazýar.
Birinji duşuşykda “Merw” garyşydaşyny 5:0 hasabynda ýeňlişe sezewar edipdi. Jogap duşuşygy hem Marynyň toparynyň ýeňşi bilen tamamlandy (1:0).
Çärýekfinalda “Merw” topary ýurdumyzyň wise-çempiony “Ahal” topary bilen duşuşar.
Türkmenistanyň Kubogy ugrundaky bäsleşigiň çärýekfinalynyň birinji duşuşyklary 14-15-nji awgustda, jogap oýunlary bolsa 18-nji sentýabrda geçiriler. Tertipde birinji görkezilen toparlar ilkinji duşuşyklary öz meýdançalarynda geçirerler.
Çärýekfinalyň tertibi:
“Altyn Asyr” – “Nebitçi”/“Energetik” – “Aşgabat”
“Şagadam” – “Köpetdag”/“Ahal” – “Merw”
Futbol boýunça Türkmenistanyň Kubogynyň deslapky tapgyrynyň jogap duşuşygynyň netijesi:
“Türkmennebit” – “Merw” – 0:1
Gol: 11 Toýly Goçnazarow (“Merw”)
Tomaşaçy sany: 500