Tapgyryň umumy aýratynlyklary:
Bir tapgyrda iki deňlik: Möwsümiň ilkinji tapgyryndaky iki duşuşyk golsuz deňlikler bilen tamamlandy.
Häzirlikçe 2 gol: Tapgyrda derwezelere häzirlikçe 2 pökgi geçirildi. Ýöne ätiýaçda «Altyn asyr» ― «Merw» duşuşygy hem bar.
«Köpetdag» ― «Energetik» ― 0:0
«Ahal» ― «Nebitçi» ― 2:0
Gollar: Myrat Ýagşyýew 22, Elman Tagaýew (73 ― 11 m.j.u.).
«Ahal» ýeňiş gazanan ilkinji topar: «Ahal» ― Türkmenistanyň çempionaty ― 2020-de ýeňiş gazanan ilkinji topar boldy.
Ýagşyýew ilkinji golçy: Myrat Ýagşyýew Ýokary liganyň şu möwsüminde tapawutlanan ilkinji futbolçy boldy.
Hüjümçä mynasyp başlangyç: Myrat Ýagşyýew bassyr dört möwsümden bäri wekiçilik edýän toparlarynyň geçiren ilkinji duşuşyklarynda tapawutlanyp gelýär.
Elman Tagaýew ― ilkinji penaltyçy: Elman Tagaýew şu möwsümde 11 metrlik jerime urgusyny dürs ýerine ýetiren ilkinji futbolçy boldy.
9 möwsümde 60 gol: Elman Tagaýew Ýokary liganyň soňky 9 möwsüminde 60-njy goluny geçirdi.
«Ahal» 20-nji möwsümine girişdi: Ýokary ligada arakesemeler bilen çykyş eden, 2010-njy ýyldan bäri ähli möwsümlere gatnaşyp gelýän «Ahal» şu ýyl 20-nji möwsümine girişdi.
Ýokary ligadaky 230-njy ýeňiş: «Ahal» şu tapgyrda Ýokary ligadaky 230-njy ýeňşini gazandy.
Ýokary ligadaky 220-nji utulyş: «Nebitçi» şu tapgyrda Ýokary ligada 220-nji gezek utuldy.
«Şagadam» ― «Aşgabat» ― 0:0
«Altyn asyr» ― «Merw» (20-nji marta geçirildi)
