Şu ýylyň 31-nji oktýabry 2-nji noýabry aralygynda Myrat Garryýew adyndaky Türkmenistanyň Döwlet lukmançylyk uniwersitetiniň wekilleri Hytaý Halk Respublikasynyň Pekin şäherinde geçirilen Hytaýyň Halkara bilim boýunça ýyllyk maslahatyna we sergisine gatnaşdylar. Şeýle-de ýyllyk maslahatyň çäklerinde «Hytaý —Merkezi Aziýa saglygy goraýyş boýunça bilim hyzmatdaşlygynyň çuňlaşdyrylmagy» atly forum guralyp, onda türkmen wekiliýetiniň agzalary hem çykyş etdiler. Bu barada Türkmenistanyň Bilim ministrliginiň metbugat gullugy habar berdi.
Maslahata Türkmenistan bilen bir hatarda, Merkezi Aziýanyň beýleki ýurtlaryndan — Özbegistandan, Gazagystandan, Täjigistandan we Gyrgyz Respublikasyndan hem wekiller gatnaşdylar. Forumda Aziýa döwletlerinde halk lukmançylygynyň däpleriniň öwrenilişine, bilim we saglygy goraýyş ulgamynda emeli aňyň ulanylyşyna hem-de ähmiýetine degişli meseleler ara alyp maslahatlaşyldy.
