Dünýäde häli-häzirem syrlarynyň manysy açylmadyk ajaýyp ýerler näçe diýseň bar. Ylmyň we tehnologiýanyň ösmegine garamazdan, Ýeriň käbir künjekleri barlag geçirýän alymlary geň galdyrmagyny we syrly ýerleri söýüjileriň ünsüni özüne çekmegi dowam etdirýär. Geliň, hakykatyň rowaýatlar bilen birleşýän we ylmy düşündirişleriň mistiki nazaryýetler bilen birleşýän Ýer ýüzündäki iň syrly bäş künjege syýahat edeliň.
Bakyýet jülgesi: Tans edýän daşlar
Kaliforniýanyň çöllük zolagynda ajaýyp hadysa bolup geçýär — bu ýerdäki daşlar kem-kemden hereket edýär. Gurap galan Reýstrek Plaýa kölüniň düýbünde ullakan gaýalar palçyk üstünde hereket edýän ýaly uzyn yzlary galdyrýar. Ençeme ýyllap bu hadysanyň syry açylman geldi, ol hatda iň fantastiki nazaryýetleriň çaklamnylmagyna hem esas döretdi: olar babatda magnit meýdanlarynyň täsirinden başlap, başga planetalylaryň hilelerine çenli dürli pikirler beýan edildi.
Diňe 2014-nji ýylda alymlar bu syryň manysyny bilmegi başardylar. Daşlaryň hereket etmeginiň sebäbiniň aýazly gijelerde emele gelýän inçe buz gatlaklarydygy ýüze çykaryldy. Ýel we ýerasty akymlaryň täsiri astynda bu buz gatlaklary daşlary minutda 5 metre çenli tizlikde hereket etmäge ukyplydyr. Şeýle-de bolsa, ylmy düşündirişe garamazdan, Bakyýet jülgesine gelýänleriň köpüsi bu hadysanyň mistiki tebigatyna ynanmagy makul bilýärler.
Ystyhanlar köli: Gimalaýdaky gadymy heläkçilik
Hindistanyň Uttarakhand ştatynyň daglarynda 5000 metrden gowrak belentlikde Ystyhanlaryň köli ýerleşýär. 1942-nji ýylda howanyň ýaramazlygy sebäpli bu ýerde 500-den gowrak adam jesedi tapyldy. Ikinji jahan urşunyň pidalary baradaky başlangyç nazaryýetler tiz wagtdan ýalan bolup çykdy-da, bu ýerdäki ystyhanlar biziň eramyzyň 850-nji ýyllaryna degişli diýlip kesgitlenildi.
Şu güne çenli iň esasly nazaryýet bu adamlaryň adatdan daşary güýçli doňdan ölendigini subut edýär. Kellelerine şu hili häsiýetli zeperleriň ýetendigi muny tassyklaýar. Şeýle-de bolsa, köp soraglar henizem jogapsyz galýar we alymlar Gimalaý daglarynyň eteginde adamlaryň köpçülikleýin ölüminiň ähli ýagdaýlaryny açmaga synanyşyp, bu gadymy heläkçiligi öwrenmegi dowam etdirýärler.
Aokigahara tokaýy: gaýgy-hasratlaryň mekany
Ýaponiýanyň ajaýyp Fuji dagynyň eteginde öz janyna kast etmek üçin meşhur ýer hökmünde tanalýan Aokigahara tokaýlygy ýerleşýär. Bu ýerde her ýyl 100-e golaý jeset tapylyp, ol dünýä ýüzünde şeýle ýerleriň arasynda hasap boýunça ikinji orunda durýar.
Ýerli rowaýatlarda tokaýda ýaşaýan jynlar we arwahlar barada aýdylyp, olar adamlary ölüm howply ädim ätmäge iterýär. Häkimiýetler duýduryş belliklerini goýup, adamlaryň kömek sorap bu meselä garşy göreşmegi üçin synanyşýarlar. Şonda-da, Aokigahara tokaýy umydyny ýitirenleri özüne çekiji atmosfera gurşap almagyny dowam etdirýär.
Şeýtanyň üçburçlygy: Ýuwaş ummanyň syry
Ýuwaş ummanynda meşhur Bermuda üçburçlugynda bolup geçen wakalary ýada salýan, gämileriň we uçarlaryň düşündirip bolmaýan ýagdaýda ýitirim bolýan ýeri bolan şeýtanyň üçburçlygy ýa-da şeýtan deňzi diýlip atlandyrylýan ýer bar. Bu ýerde geň ýagtylyk hadysalary, magnit anomaliýalary we beýleki syrly hadysalar görlüp hasaba alynýar.
Bu hadysalary düşündirmek synanyşyklary suwasty wulkan işjeňligini we onuň magnit meýdanlaryna täsiri baradaky nazaryýetleri öz içine alýar. Emma 1952-nji ýylda 31 ekipaž agzaly Ýaponiýanyň 5-nji “Kayo Maru” gözleg gämisiniň ýitirim bolmagy bilen, bu ugurdaky resmi gözlegler bes edildi, bu diňe bu Ýeriň syrlarynyň birine öwrülip galdy.
Saam labirintleri: gadymy medeniýetleriň syrlary
Russiýanyň demirgazyk deňizleriniň kenarlarynda “Saam Wawilonlary” diýlip atlandyrylýan syrly daş labirintleri ýaýrap ýatyr. Diametri 5 — 30 metr aralygynda bolan bu çylşyrymly gurluşlar — ýönekeý spirallardan başlap, köp sankly uçlary bolan çylşyrymly nagyşlara çenli dürli görnüşlerde bolýar.
Arheologlar bu labirintleri ölüleriň gadymy kulty bilen baglanyşdyryp, ölenleriň ruhlaryny saklamaga hyzmat edip biljekdigi baradaky pikiri öňe sürýärler. Bu ýerlere gelýänler köplenç gadymy binalaryň töwereginde höküm sürýän aýratyn, käwagt garaňky energiýa hakda gürleşýärler we olara bir täsinlik goşýarlar.
Ýer togalagynyň käbir burçlary bizi hakykat bilen fantastikanyň arasyndaky araçäkleri sorag astyna almaga mejbur edip, düşünjämize garşy çykmagy dowam etdirýär. Tebigy hadysalar, taryhy syrlar ýa-da medeni hadysalar bolsun, bu ýerler ajaýyp dünýämizde entek açylmaly we düşünmeli zatlaryň örän köpdügini ýatladýar.
Peýdalanylan çeşme: www.atorus.ru
Şeýle-de okaň:
