Türkmenistanyň daşary işler ministriniň orunbasary Mähri Bäşimowa Täjigistan Respublikasynyň Türkmenistandaky Adatdan daşary we Doly ygtyýarly ilçisi Wafo Niýatbekzoda bilen duşuşdy.
Täjigistanyň Türkmenistandaky ilçihanasynyň habar bermegine görä, duşuşykda taraplar Türkmenistan bilen Täjigistanyň arasynda ikitaraplaýyn we köptaraplaýyn hyzmatdaşlygy ösdürmegiň geljegi barada pikir alyşdylar. Hususan-da, halkara guramalaryň çäginde alnyp barylýan hyzmatdaşlyga aýratyn üns berildi. Duşuşugyň dowamynda özara gyzyklanma bildirilýän sowallar boýunça hem maslahatlaşyldy.
