Rus ýazyjysy Ýulian Semýonowyň powestleri boýunça täze surata alynjak filmde merhum aktýor Wýaçeslaw Tihonow çykyş eder diýip, «rg.ru» ýazýar. Ýagny aktýor neýroulgamyň kömegi bilen ýene-de rowaýaty sowet aňtawçysy Ştirlisiň keşbinde «janlandyrylar».
Bu barada ýurduň «Birinji ýaýlymynyň» baş direktory Konstantin Ernst tenhologiýalaryň geljegine bagyşlanan çärede habar berdi. Ernst ýazyjy Ýulian Semýonowyň ýakynlaryndan onuň Ştirlis baradaky ähli powestlerine hukugy satyn alandyklaryny hem-de Tihonowy çalyşmak üçin aktýor gözländiklerini, ahyrsoňunda neýroulgamdan peýdalanmak pikirine gelendiklerini gürrüň berdi.
Ernst şeýle-de aktýory kino gaýtaryp getirmäge rugsat almak üçin onuň gyzy bilen gepleşikleriň geçirilýändigini nygtady.
