Türkmenistanyň Daşary işler ministrliginde ÝUNESKO-nyň işleri barada Türkmenistanyň milli toparynyň jogapkär sekretary Çynar Rüstemowanyň ýolbaşçylygyndaky türkmen wekiliýetiniň Merkezi Aziýany öwreniş halkara institutynyň direktory (IICAS) Ewren Rutbil bilen duşuşygy geçirildi. Bu barada Türkmenistanyň DIM-niň resmi saýtynda habar berildi.
18-nji sentýabrda bolan mejlisiň dowamynda taraplar hyzmatdaşlygyň netijelerini ara alyp maslahatlaşdylar, şeýle hem ýakyn geljek üçin özara hereketleriň ileri tutulýan ugurlaryny kesgitlediler.
Şeýle hem geçen ýylyň sentýabr aýynda Er-Riýad şäherinde geçirilen ÝUNESKO-nyň Bütindünýä mirasy komitetiniň giňişleýin mejlisinde kabul edilen çözgüdüň esasynda ÝUNESKO-nyň Bütindünýä mirasynyň sanawyna girizilen «Beýik Ýüpek ýoly: Zarawşan-Garagum geçelgesi» atly köptaraplaýyn hödürnamanyň taýýarlygy boýunça geçirilen işleriň netijeliligi barada aýdyldy.
Türkmen tarapy Merkezi Aziýany öwreniş halkara institutynyň direktoryna täze işinde üstünlikler arzuw edip, Merkezi Aziýanyň taryhy-medeni ösüşi bilen bagly meseleler barada hyzmatdaşlygy dowam etdirmäge gyzyklanma bildirdi.
