Girmek
Britaniýadaky Z nesliň wekilleri hatda lampoçkany hem çalşyp bilmeýärler, olar munuň üçin her ýyl ussalara 1,3 müň funt sterling töleýärler. Bu barada «Halfords» kompaniýasynyň sargydy boýunça geçirilen barlaglara salgylanýan «Telegraph» neşiri habar berdi diýip, «RIA Nowosti» ýazýar.
Barlaglara görä, 18-den 27 ýaşa çenli britanlaryň çärýek bölegi merduwana münmäge gorkýandyklary üçin lampoçkany özbaşdak çalşyp bilmeýändiklerini aýtdylar. Her bäşinji bolsa, lampoçka çakdanaşa gyzgyn bolup, ellerini ýakmakdan gorkýar. Olar munuň üçin ussa çagyrmagy ýa-da ene-atalaryna kömek sorap ýüz tutmagy saýlaýarlar. Z nesliň pikiri soraşylan iki müňden gowrak wekili ( umumy pikiri soraşylanlaryň 11 göterimi) diwardan surat asmak üçin hünärmen çagyrjakdyklaryny, tas ýarysy bolsa, awtoulagyň tekerine nädip ýel bermelidigini bilmeýändiklerini aýtdylar.