Garagandaly Ashat Kažytaý Ankaradan Batumä çenli 1111 kilometr ýoly pyýada geçdi. 24 günde ol Türkiýäniň 20-den gowrak ululy-kiçili şäherlerinde boldy diýip, Gazagystanyň Hökümetiniň saýtyna salgylanýan «MIR 24» ýazýar.
Kažytaýyň gürrüň bermegine görä, onuň pyýada syýahatynyň maksady dünýäde parahatçylygy, pyýada ýöremegiň peýdasy, tebigaty aýamaklygy hem-de sagdyn ýaşamagy wagyz etmekden ybaratdyr. Bu onuň ilkinji pyýada syýahaty däl, 2021-nji ýylda ol ýedi günde 333 kilometr aralygy geçdi we Garaganda oblastynyň iň ýokary belentligi bolan Aksorana bardy. Şol ýyl Ashat Ulytaudaky Auliýetau dag gerşine çenli 777 kilometri geçmegi başardy.
Garagandaly häzirki wagtda öz syýahatlary barada gazak we iňlis dillerinde kitap ýazýar. Kitabyň tanyşdyrylyşy şu ýylyň noýabrynda bolar.
