Seýrek görnüşli haýwanlar Amazoniýanyň tropiki tokaýlarynda altyn gazylyp alynmagyndan ejir çekýärler diýip, «Habar 24» ýazýar. Halkara alymlar topary golaýda geçiren barlaglarynyň netijeleri boýunça şeýle beýanat berdi. Mysal üçin, Peruda 46 müň adam bikanun ýol bilen altyn gazyp almak bilen meşgullanýar. Olar netijede tokaýlary simap bilen hapalaýarlar.
Simap haýwanlaryň organizmine aralaşyp, ýerli ekoulgamy zaýalaýar diýlip, alymlaryň habarynda aýdylýar.
