Girmek
«Türkmenistan» awiakompaniýasy 2023-nji ýylyň mart, aprel, maý, iýun, iýul, awgust, sentýabr we oktýabr aýlary üçin Aşgabatdan halkara ugurlaryna awiopetekleri onlaýn satyp başlady.
«Türkmenistan» awiakompaniýasynyň onlaýn satuw web sahypasy arkaly halkara uçuşlar üçin awiopetekleri satyn alanyňyzda 2,5% arzanladyş üpjün edilýär.
«Türkmenistan» awiakompaniýasy Aşgabatdan Dubaýa (BAE), Maýn boýundaky Frankfurta (Germaniýa), Stambula (Türkiýe), Kazana (Tatarstan, RF) we Moskwa (RF) yzygiderli gatnawlary amala aşyrýar.
Bu ugurlara petekler satuwa çykarylýar. Bu ugurlara «Boeing» uçarlary hyzmat edýär.
2023-nji ýylyň 22-nji fewralyna görä bahalar
- Aşgabat (ASB) — Dubaý (DXB): 3892 manat 60 teňňe
- Aşgabat (ASB) — Maýn boýundaky Frankfurt (FRA): 8023 manat 80 teňňe
- Aşgabat (ASB) — Stambul (IST): 4877 manat 50 teňňe
- Aşgabat (ASB) — Moskwa (DME): 4910 manat 80 teňňe
- Aşgabat (ASB) — Kazan (KZN): 4886 manat 30 teňňe
- Kazan (KZN) — Aşgabat (ASB): 4823 manat 30 teňňe
- Moskwa (DME) — Aşgabat (ASB): 4876 manat 90 teňňe
Nyrhlar diňe bir ugur üçin görkezilendir.
Uçuş tertibi barada has giňişleýin maglumaty we petekleri awiakompaniýanyň resmi web sahypasyndan ýa-da iOS we Android üçin niýetlenen ykjam programmadan alyp bilersiňiz.
Programmada petegi satyn almak üçin islenýän ugry we syýahat senesini saýlamaly. Bu ugurda elektron petekleriň satuwy açyk bolsa, ýolagçy sanawdan islenýän uçuşy saýlap, «Altyn Asyr» bank karty bilen töleg geçirip biler. Raýatlar ulgama pasportdaky maglumatlary girizmelidir.