1. Türkmenistan we Birleşen Arap Emirlikleri iki ýurtda hem wekilhanasy bolan bilelikdäki banky dörederler. Şeýle ylalaşyk Türkmenistanyň Prezidenti Serdar Berdimuhamedow bilen BAE-niň Prezidentiniň iş dolandyryş ministri Şeýh Mansur bin Zaýed Al Nahaýýanyň arasynda Abu-Dabide geçirilen duşuşygyň dowamynda gazanyldy.
2. Domodedowo halkara howa menziliniň resmi saýtynda Türkmenistana uçuşlaryň täzelenen tertibi ýerleşdirildi. Russiýa we Türkmenistan iki awiakompaniýanyň göni howa gatnawlary esasynda aragatnaşyk saklaýarlar. «Türkmenistan» awiakompaniýasy Aşgabat – Moskwa – Türkmenbaşy ugry boýunça hepdede iki gezek çarşenbe we anna günleri dowamly uçuşlary amala aşyrýar. Russiýanyň «S7 Airlines» awiakompaniýasy 2022-nji ýylyň dekabr aýyndan başlap Moskwa – Türkmenbaşy – Moskwa ugry boýunça hepdede iki gezek duşenbe we penşenbe günleri howa gatnawlaryny amala aşyryp başlar.
3. Prezident Serdar Berdimuhamedow Türkmenistanyň halkynyň we Hökümetiniň adyndan, şeýle-de hut öz adyndan Gazagystan Respublikasynyň Prezidenti Kasym-Žomart Tokaýewe saýlawlarda ynamly ýeňiş gazanyp, Gazagystan Respublikasynyň Prezidenti wezipesine gaýtadan saýlanmagy mynasybetli tüýs ýürekden gutlaglaryny iberdi. Gazagystanyň häzirki Prezidenti Kasym-Žomart Tokaýew Respublikanyň Baştutanynyň nobatdan daşary saýlawlarynda ynamly ýeňiş gazandy, Merkezi saýlaw komitetiniň maglumatlaryna görä, ol sesleriň 81,31%-ni toplap, garşydaşlaryny yzda galdyrdy.
4. «ImdatBot» çagalar robototehnika okuw merkezi 8-12 ýaş aralygyndaky çagalaryň programmirlemegiň esaslary we robototehnika okuwlaryna ýazylyşygynyň başlanandygyny yglan etdi. Ýaş diňleýjiler «Scratch» dilinde programmirlemegiň hem-de «Codey Rocky» robotyny programmirlemegiň esaslary bilen tanşarlar. Özleşdirilen bilimler çagalarda algoritmleýin pikirlenişi ösdürmäge, awtomatlaşdyrmagyň esasy wezipelerine düşünmäge ýardam eder we hususy oýunlaryny işläp düzmekde öz güýçlerini synamaga itergi berer.
5. Şu ýyl türkmenistanda 200 müň tonnadan gowrak gant şugundyrynyň ýygnamak toplamak maksat edinilýär. Hasylyň soňky tapgyryny möwsüm tamamlanmanka almak meýilleşdirilýär. Häzirki wagtda kabul ediş nokatlaryna 170 müň tonna hasyl tabşyryldy.
6. 2023-nji ýylda çykmagyna garaşylýan «iPhone 15-iň» käbir aýratynlyklary mälim edildi. Täze nusga yzky gyralary tegelek şekilli daşky keşbe eýe bolar. Şeýle dizaýn 2013-nji ýylda öndürilen, daşy plastikden ýasalan, gyralary we burçlary biraz tegelek şekilli bolan «iPhone 5-den» alyndy. Şeýle hem 2023-nji ýylda daşy titandan ýasalan «iPhone 15 Ultra» nusgasynyň çykmagyna garaşylýar. «iPhone» smartfonynyň täze nusgalary «A17 Bionic» prosessoryna we 8 GB esasy ýada eýe bolarlar.
7. Hindistanyň Hökümeti 2022-nji ýylyň 22-nji noýabryndan başlap daşary ýurtlular, şol sanda Türkmenistanyň raýatlaryna ýurda girmek üçin ähli koronawirusa garşy çäklendirmeleri aradan aýyrdylar. Ýurda girmek üçin COVID-19-a garşy PSR-barlagy, sanjym alnandygy hakynda kepilnama ýa-da onlaýn resminama gerek däl. Türkmenistan bilen Hindistanyň arasyndaky dowamly howa gatnawy 2020-nji ýylyň martynda koronawirus pandemiýasy sebäpli ýatyrylypdy. Pandemiýa çenli «Türkmenistan» awiakompaniýasy her hepdede deli we Amritsar şäherlerine dowamly uçuşlary amala aşyrýardy.
8. Saud Arabystanynyň ýygyndysy Katarda geçirilýän futbol boýunça dünýä çempionatynda ilkinji garaşylmadyk wakany amala aşyrdy. Aziýa sebitiniň wekilleri 2:1 hasabynda dünýäniň iň güýçli toparlarynyň birinden – düzüminde Lionel Messi bolan Argentinanyň ýygyndysyndan üstün çykdylar. Saud Arabystanynyň topary häzirki wagtda FIFA-nyň sanawynda 51-nji orny eýeleýär. Argentinanyň ýygyndysy bolsa – 3-nji orunda ýerleşýär.
10. «Mançeter Ýunaýted» we Kriştianu Ronaldu şertnamany bozdular. «MÝ» portugaliýaly hüjümçiniň ikitaraplaýyn ylalaşyk boýunça zähmet şertnamasy bozulandan soňra topardan gitjekdigini mälim etdi. Ýatlatsak, ozal Ronaldu britan žurnalisti Pirs Morgana nägilelikli interwýu berip, toparyň ýolbaşçylaryny we baş tälimçini tankytlapdy.
11. Türkmen futbol topary «Ahal» futbol boýunça Türkmenistanyň çempionatynyň üçünji aýlaw tapgyrynyň netijeleri boýunça birinji orny eýeledi. Ahyrky oýna çenli 7 tapgyryň dowamynda «Ahal» «Altyn asyrdan» 11 utuk öňe geçdi.
