Soňky habarlar

Arhiw

Amir Gurbany «Aşgabadyň» düzümine goşuldy

23:0702.08.2022
0
10936
Amir Gurbany «Aşgabadyň» düzümine goşuldy

Ýarym goragçy Amir Gurbany futbol ýoluny «Aşgabat» toparynda dowam edýär. Türkmenistanyň milli ýygyndysynyň ozalky ýarym goragçysy paýtagtyň adybir toparyna erkin oýunçy hökmünde geldi. Ol täze möwsümiň 1-nji tapgyrynda «Şagadama» garşy meýdana hem çykdy.

Amir Gurbany 2020-nji ýyldan bäri «Ahalyň» düzüminde futbol oýnaýardy.

34 ýaşly futbolçy ozal HTTU, «Balkan», «Altyn asyr», «Şagadam» toparlarynda hem çykyş etdi. 2013-nji ýylda «Balkan» bilen AFK-nyň prezidentiniň kubogyna hem mynasyp bolan Amir Gurbany şol ýaryşyň iň gowy oýunçysy diýlip yglan edildi.

Amir Gurbanynyň dürli ýyllarda Maldiwleriň «Nýu-Radiant», Gyrgyzystanyň «Dordoý» we Kambojanyň «Nagaworld» toparlarynda hem futbol oýnandygyny ýatladýarys.

Amir Gurbany 2011 ― 2019-njy ýyllar aralygynda Türkmenistanyň futbol ýygyndysynda hem alty duşuşyk geçirdi. Ýurduň Olimpiýa ýygyndysynyň hatarynda bolsa 2010-njy ýylda Guançžou şäherinde geçirilen Aziýa oýunlaryna gatnaşdy.

Teswirler
Teswir ýazmak üçin içeri giriň ýa-da registrasiýa boluň