"Al-Taawun" AFC-2 Çempionlar Ligasynyň toparlama tapgyrynyň 4-nji oýny üçin "Altyn Asyr" bilen duşuşmaga Aşgabada geldi diýip, Saud klubynyň metbugat gullugy habar berdi.
Myhmanlar "B" toparynda öňdebaryjylaryň biri hökmünde, üç oýunda 6 utuk toplan we birinji orny Bahreýniň "Al-Haldiýa" hem-de Yragyň "Eýr Fors" toparlary bilen paýlaşýarlar. Türkmen kluby heniz bir utuk hem gazanmady we toparda soňky orunda barýar.
"Al-Taawun" bilen "Altyn Asyryň" arasynda 4-nji tapgyryň duşuşygy 6-njy noýabrda, çarşenbe güni Aşgabatda geçiriler we ýerli wagt bilen sagat 19:00-da başlanar.
Oýnuň guramaçylary stadiona giriş mugt boljakdygyny habar berdiler we janköýerleri oýna öňünden gelmäge çagyrdylar.
