Türkmenistanyň futbol çempionatynyň birinji tapgyrynyň çäginde Türkmenbaşyda ýerli «Şagadam» paýtagtyň «Aşgabat» toparyny kabul etdi.
«Şagadam» stadionynda geçirilen duşuşyk ýer eýeleriniň peýdasyna tamamlandy — 2:1.
Eýýäm oýnuň 4-nji minudynda hasap açyldy. Kerim Hojaberdiýewiň goly «Şagadamy» öňe çykardy. Soňra duşuşygyň 13-nji minudynda Baýramgeldi Nurlyýew hasaby 2:0-a ýetirdi. «Aşgabadyň» oýunçysy Şatlyk Gurbanow 67-nji minutda toparynyň ýeke-täk jogap goluny geçirdi.
