Aziýanyň kubogy-2023 futbol ýaryşynyň saýlama tapgyrynda Türkmenistanyň hem-de Malaýziýanyň milli ýygyndy toparlarynyň arasynda Kuala-Lumpur şäherinde geçiriljek duşuşyga bir gün galdy.
Futbol boýunça Aziýanyň kubogy-2023 ýaryşynyň saýlama tapgyrynda Türkmenistanyň milli ýygyndysy Bahreýniň, Malaýziýanyň hem-de Bangladeşiň ýygyndy toparlary bilen birlikde «E» toparçada çykyş eder. Toparçada duşuşyklar bir aýlaw boýunça geçiriler.
Aziýanyň kubogy-2023 futbol ýaryşynyň saýlama tapgyrynyň «E» toparçasynda birinji duşuşyk çarşenbe güni — 8-nji iýunda Türkmenistan bilen Malaýziýa ýygyndylarynyň arasynda bolar. Bu duşuşyk Kuala-Lumpur şäherindäki «Bukit Jalil» stadionynda bolup, Aşgabat wagty bilen sagat 18:00-da başlanar.
Aziýanyň kubogy-2023 ýaryşynyň saýlama tapgyry. «E» toparça (Geçirilýän ýeri: Malaýziýa)
1-nji aýlaw (8-nji iýun)
Türkmenistan — Malaýziýa (18:00);
Bahreýn — Bangladeş (14:15).
2-nji aýlaw (11-nji iýun)
Malaýziýa — Bahreýn (18:00);
Bangladeş — Türkmenistan (14:15).
3-nji aýlaw (14-nji iýun)
Malaýziýa — Bangladeş (18:00);
Bahreýn — Türkmenistan (14:15).
Ýaryşyň final tapgyryna toparçada birinji orny eýelän ýygyndylar, şeýle-de toparçalarda ikinji orny eýelän milli ýygyndylaryň 5-isi gatnaşmaga mümkinçilik alarlar.
