Ýazguly Hojageldiýewiň ýolbaşçylygyndaky Türkmenistanyň futbol boýunça milli ýygyndysy Aziýanyň kubogy ― 2023-iň saýlama duşuşyklaryna gatnaşmak üçin Malaýziýanyň Kuala-Lumpur şäherine bardy.
Baş tälimçiniň milli ýygynda 23 futbolçyny çagyrandygyny we olaryň Tailandda okuw-türgenleşik ýygnanyşygyny geçirendigini habar beripdik.
Türkmenistanyň ýygyndysy saýlama tapgyrynyň «E» toparçasynda Bahreýniň, Malaýziýanyň we Bangladeşiň ýygyndylary bilen duşuşar. Ilkinji garşydaş ― 8-nji iýunda malaýziýanyň ýygyndysy bolar. Soňra 11-nji iýunda Bangladeşiň, 14-nji iýunda Bahreýniň ýygyndylary bilen duşuşyklar geçiriler.
Türkmenistanyň futbol ýygyndysynyň duşuşyklarynyň ählisi Malaýziýanyň «Bukit Jalil» Milli stadionynda geçiriler.
Yklym ýaryşynyň final tapgyryna saýlama duşuşyklaryň toparçalarynyň ýeňijisi we ikinji orny eýelänleriň iň gowy bäşisi gatnaşar.
