Türkmenistanyň hokkeý boýunça milli ýygyndysy dünýä çempionatynyň üçünji dwizionynyň «A» toparçasyndaky ikinji duşuşygynda hem utulyşdan halas bolup bilmedi. Düýn ýer eýeleri Lýuksemburgyň ýygyndysy bilen duşuşan türkmen hokkeýçileri garşydaşlaryndan 4:5 hasabynda asgyn geldiler.
Aslynda, biziň ildeşlerimiziň duşuşygyň agramly böleginde deňeçer oýnandygyny nygtamak gerek. Birinji döw taraplaryň 2:2 hasabyndaky deňligi bilen tamamlandy. Ikinji döwde garşydaşlarymyz 1:2 hasabynda öňe geçdiler. Üçünji döw bolsa türkmen hokkeýçileriniň 1:0 hasabyndaky ýeňşi bilen tamamlandy. Şeýlelikde, üç döwden soň 4:4 hasabyndaky deňlik emele geldi. Duşuşygyň goşmaça döwünde biziň ýygyndymyzyň derwezesine bir şaýba geçiren lýuksemburglylar ilkinji ýeňşini gazandylar.
Duşuşykda ildeşlerimiziň şaýbalaryny B.Döwletmyradow (5', 10', 53') we P.Barkowski (26') geçirdi.