Futbol boýunça Ýewropanyň çempionatynyň final duşuşygynyň geçiriljek ýerinde ― London şäherindäki «Uembli» stadionynda duşuşygyň dowam edýän wagtynda millionlarça uçýan garynjanyň bolmagyna garaşylýar. «Sport-express.ru»-nyň habaryna görä, mör-möjekler meteorologiýa gullugynyň radarlary tarapyndan hasaba alyndy.
Uçýan garynjalaryň Londonyň köp bölegine, şol sanda final duşuşygyna hem «myhman bolmagyna» garaşylýar.
Ýewro ― 2020-niň aýgytlaýjy duşuşygynyň 11-nji iýulda Italiýanyň we Angliýanyň ýygyndylarynyň arasynda geçiriljekdigini ýatladýarys.