Lebap welaýat oba hojalyk önümçilik birleşiginiň ýerlerdäki tehniki hyzmat ediş kärhanalarynda öňde duran gowaça ekişine taýýarlyk görülýär ― diýip, «Türkmen gündogary» gazeti habar berýär.
Neşiriň ýazyşy ýaly, welaýatda şu döwre çenli bar bolan gowaça ekijileriň 325-si, kultiwatorlaryň 1094-si, dişli boronalaryň 7898-si, malalaryň hem 552-si doly abatlanylyp, taýýarlyk nyzamyna goýlupdyr.
Abatlaýjylar welaýat oba hojalyk önümçilik birleşiginiň düzümindäki bölümlerine degişli bolan, gowaça ekişinde işlediljek «CLAAS» kysymly traktorlaryň 300-e golaýyny abatlamagyň hötdesinden geldiler.