Türkmenistanyň we Birleşen Arap Emirlikleriniň Söwda-senagat edaralarynyň wekilleriniň arasynda onlaýn duşuşyk geçirildi ― diýip, TDH ýazýar.
Türkmen tarapyndan oňa Türkmenistanyň Söwda-senagat edarasynyň, Senagatçylar we telekeçiler birleşmesiniň hem-de beýleki edaralaryň ýolbaşçylary we wekilleri gatnaşdylar. Arap toparyna BAE-niň Söwda-senagat edaralarynyň federasiýasynyň baş sekretary Humaýd Mohamed ben Salem ýolbaşçylyk etdi.
Gepleşikler Türkmenistan bilen BAE-niň söwda-ykdysady ulgamdaky ikitaraplaýyn hyzmatdaşlygynyň geljegine, özara haryt dolanyşygyny giňeltmegiň, eksport-import amallaryny ösdürmegiň meselelerine bagyşlandy.
Häzirki wagtda Türkmenistanda milletiň Lideri Gurbanguly Berdimuhamedowyň maksada okgunly syýasaty netijesinde, bu ugurda oňyn şertler döredildi. Hususan-da, BAE türkmen dokma we haly önümlerini, azyk harytlary ibermegiň mümkinçiliklerine garaldy.
Duşuşygyň barşynda iki ýurduň hususy ulgamynyň wekilleriniň telekeçilik maslahatlaryny we onlaýn duşuşyklaryny guramak barada ylalaşyk gazanyldy.
