90 ýyl bäri işläp gelýän, döwrebap önümçilik enjamlarynyň kömegi bilen ýyllaryň ählisini zähmet üstünliklerine besleýän Türkmenabadyň tejribe-synag abatlaýyş zawodynda işler häzirki günlerde hem güýçli depgin bilen dowam edýär ― diýip, «Türkmenistan» gazeti ýazýar.
Bu ýerde diňe gowaçalaryň idegi bilen bagly 144 görnüşli ätiýaçlyk şaýlar öndürilýär. Olaryň arasynda gowaçanyň ujuny çyrpmaga niýetlenen şaýlar hem bar.
Döwrebap mümkinçilikleriň gurşawynda amala aşyrylýan bu işlere zawodyň hünärmenleriniň 70-den gowragy gatnaşýar. Olar ýurdumyza soňky ýyllarda getirilýän döwrebap tehnikalaryň ätiýaçlyk şaýlaryny bejermekde we ýasamakda tejribesini barha artdyrýarlar.