“Matchroom Boxing”-iň guramaçylary russiýaly Aleksandr Powetkin bilen Dillian Waýtyň arasyndaky duşuşygyň geçiriljek wagtyny resmi ýagdaýda habar berdiler. Köpleriň sabyrsyzlyk bilen garaşýan bu boks tutluşygy şu ýylyň 22-nji awgustynda geçiriler. Mälim bolşy ýaly duşuşyk 2-nji maýda geçirilmelidi. 40 ýaşly Powetkin karýerasy boýunça 38 duşuşykda 35 gezek ýeňiş gazandy (2 ýeňliş, 1 deňlik). 32 ýaşly Waýt bolsa, 28 gezek çykan ringinden 27 gezek ýeňiş bilen dolandy.
