"Liwerpul" futbol topary 30 ýyllyk arakesmeden soňra Angliýanyň çempiony boldy. Möwsümden tamamlanmanka, çempionlygyny yglan eden topar germaniýaly hünärmen Ýurgen Kloppyň tälim bermeginde 2015-nji ýyldan bäri dördünji kubogyny gazandy.
Çempionatyň 31-nji tapgyrynda "Çelsiniň" "Mançester Sitini" 2:1 hasabynda ýeňmegi, şol bir wagtyň özünde "Liwerpulyň" çempionlygyny yglan etmegine sebäp boldy. Indi Ýurgen Kloppyň şägirtleri "şäherlilerden" 23 utuk öňde. Öňdäki 7 duşuşygyň ählisinde ýeňiş gazanaýan ýagdaýynda hem "Mançester Siti" aňrybaş 21 utuk gazanyp biler. Ýeri gelende aýtsak, 31 tapgyrdan soňra "Liwerpul" 86 utuk toplady.
Bu çempionlyk toparyň 19-njy çempionlygydyr.
