“Lucid Air” şereketiniň tanyşdyrylyş dabarasy yza süýşürilen elektrokary San-Fransiskodan Los-Anjelese çenli 640 km ýoly bir gezekki zarýady bilen geçdi. “Air” atly sedan görnüşli ulag Nýu-Ýork sergisinde köpçülige görkezilmelidi. Emma serginiň geçirilmeli wagtynyň yza süýşürilmegi bilen ulag tanyşdyrylyş dabarasy bolmandy. Şereketiň ýolbaşçylary ulagyň bir gezekki zarýady bilen 640 km ýol geçýändigini, bu görkezijiniň San-Fransisko bilen Los-Anjeles şäherleriniň aralygyna barabardygyny belleýärler. Ulagyň awgust aýynda köpçülige tanyşdyrylmagyna garaşylýar.
