Şu gün Tailandda dowam edýän 23 ýaşa çenlileriň arasyndaky Aziýa futbol çempionatynyň ýarym final duşuşyklary oýnalar. Olimpiýa oýunlaryna gatnaşjak ýygyndylary kesgitleýän bu ýaryşyň ýarym finalynda Saud Arabystany bilen Özbegistanyň ýygyndylary hem-de Awstraliýa bilen Koreýa Respublikasynyň ýygyndylary özara duşuşar. Saud Arabystany bilen Özbegistanyň arasyndaky oýun Aşgabat wagty bilen 15:15-de, Awstraliýa-Günorta Koreýa duşuşygy bolsa, 18:15-de başlanýar.
Mälim bolşy ýaly, bu ýaryş, Ýaponiýadan başga ýene-de 3 topara Tokio Olimpiadasynda çykyş etmäge ygtyýar berýär. Ýagny çempionatda medal gazanan ýygyndylar Tokio – 2020-ä wekilçilik ederler.
