Soňky habarlar

Arhiw

Türkmenistanyň futzal ýygyndysy «Futsal Week Winter Cupdaky» ilkinji duşuşygynda Hytaýyň ýygyndysyndan asgyn geldi

22:4816.12.2019
0
6127

Türkmenistanyň futzal boýunça milli ýygyndysy Horwatiýada geçirilýän «Futsal Week Winter Cup» halkara ýaryşyndaky ilkinji duşuşygynda Hytaýyň ýygyndysyndan ýeňildi.

Şu gün Poreç şäherinde geçirilen duşuşyk hytaýly futzalçylaryň 3:2 hasabyndaky ýeňşi bilen tamamlandy. Häzir dünýä reýtinginde Hytaý 74-nji, Türkmenistan 69-njy basgançakda. Biziň futzalçylarymyzyň mundan bir hepde ozal geçirilen ýoldaşlyk duşuşygynda edil şu ýygyndyny 6:1 hasabynda ýeňendigini ýatdalýarys.

Halkara ýaryşa bäş ýygyndy gatnaşýar. Olar Türkmenistanyň, Bosnýa we Gersegowinanyň, Hytaýyň, San-Marinonyň we Çernogoriýanyň ýygyndylarydyr.

Türkmen futzalçylarynyň 17-nji dekabrdaky garşydaşy San-Marinonyň ýygyndysy bolar.

Teswirler
Teswir ýazmak üçin içeri giriň ýa-da registrasiýa boluň