“Soyuz MS-15” kosmos gämisi Gazagystandaky Baýkonur kosmodromyndan uçuryldy. Russiýaly Oleg Skripoçkany, amerikaly Jessika Meiri hem-de Birleşen Arap Emirliklerinden Hazza Ali-Almansurini äkiden “MS-15” kapsulasy 6 sagatdan soňra Halkara kosmos bekedine bardy. Halkara kosmos bekedi dürli ýurtlar tarapyndan maliýeleşdirilip, ol ýerde ylmy barlaglar geçirilýär. Ýeriň 400 km çemesi daşyndan aýlanýan beketde alty astronom yzygiderli zähmet çekýär.
