Şu gün hormatly Prezidentimiz Gurbanguly Berdimuhamedow Ministrler Kabinetiniň sanly wideoaragatnaşyk arkaly nobatdaky mejlisini geçirdi. Onda döwlet durmuşynyň ileri tutulýan meselelerine hem-de birnäçe resminamalaryň taslamalaryna garaldy.
Mejlisiň barşynda döwlet Baştutanyna:
Birleşen Milletler Guramasynyň baş edarasyndan gelip gowşan hoş habar;
Aşgabatda 15 — 16-njy maýda GDA-nyň döredijilik we ylmy intelligensiýasynyň ХIV forumyny geçirmäge taýýarlyk görlüşi;
2020-nji ýyl üçin Türkmenistanyň Döwlet býujetini taýýarlamak, ýurdumyzy durmuş-ykdysady taýdan ösdürmegiň esasy ugurlarynyň we maýa goýum maksatnamasynyň taslamalaryny işläp düzmek meseleleri;
şu ýylyň 21 — 22-nji maýynda «Awaza» milli syýahatçylyk zolagynda Türkmenistanyň Х Halkara gaz kongresini geçirmäge görülýän taýýarlyk;
ýurdumyzyň seýsmiki taýdan howply zolaklarynda seýsmiki töwekgelçiligi peseltmek boýunça alnyp barylýan işler;
ýerli çig malyň esasynda halkara hil ölçeglere kybap gelýän gurluşyk serişdeleriniň önümçiligini özleşdirmek, şeýle hem howa ulaglary arkaly ýük daşalyşyny artdyrmak, awtomobillere hyzmat etmegi ýola goýmak boýunça alnyp barylýan işler;
söwda toplumynyň işini mundan beýläk-de kämilleşdirmek, täze dükanlary gurmak boýunça alnyp barylýan işler we Aşgabat şäheriniň häkimligi bilen bilelikde paýtagtymyzda gurulmagy meýilleşdirilýän söwda dükanlarynyň taslamalaryny taýýarlamak boýunça ýerine ýetirilen işler;
okuw ýylynyň tamamlanmagy mynasybetli däp bolan «Soňky jaň» dabarasyna taýýarlyk görlüşi;
15 — 16-njy maýda Aşgabatda geçiriljek GDA gatnaşyjy döwletleriň döredijilik we ylmy intelligensiýasynyň XIV forumynyň medeni maksatnamasy;
oba hojalygy toplumynda ýaýbaňlandyrylan özgertmeleriň we ýurdumyzyň ekerançylyk meýdanlarynda möwsümleýin işleriň barşy;
15 — 16-njy maýda Aşgabatda GDA-nyň tohumçylyk meseleleri boýunça Hökümetara utgaşdyryjy geňeşiniň nobatdaky mejlisine görülýän taýýarlyk işleri boýunça hasabatlar berildi.
