Horwatiýaly tälimçi Robert Grdowiçiň tälimçiligindäki Türkmenistanyň futzal ýygyndysy türgenleşik işlerine girişdi. 29-njy aprel – 4-nji maý aralygynda paýtagtymyzyň Olimpiýa şäherçesiniň sport toplumynda geçirilýän ýygyndymyza Guwanç Kanaýewiň horwatiýaly tälimçiniň kömekçisiniň wezipesini ýerine ýetirýändigini ýatladýarys. R.Grdowiçiň tälimçiligindäki ilkinji türgenleşik ýygnanyşygynda milli futzal ligamyzda çykyş edýän futzalçylaryň 21-si gözden geçirilýär. Gözden geçirilýän oýunçylaryň 3-siniň – Mülkaman Annagulyýewiň (“Talyp sport”), Maksat Soltanowyň (“Deňizçi”), Öwezbaý Muhammetmyradowyň (“Nesil”) türgenleşik işlerine gatnaşyp bilmeýändigini ýatladýarys.
Futzal boýunça Türkmenistanyň milli ýygyndynyň düzüminde ilkinji gözden geçirilişe gatnaşýan oýunçylaryň sanawy:
Derwezeçiler: Baýramow Meretgeldi («Köpetdag»), Baýramow Şöhrat («Senagatbank»), Gylyçmyradow Pirguly («Talyp Sport»), Öwezgeldiýew Çarymyrat («Nesil»).
Futzalçylar: Konirow Marat («Daýhanbank»), Ataýew Watan («Köpetdag»), Nuralyýew Orazguly («Nesil»), Hoşmyradow Meýlis («Köpetdag»), Meredow Allaberdi («Köpetdag»), Nepesow Rahatmyrat («Senagatbank»), Rejepow Serdar («Daýhanbank»), Kurbanow Allamyrat («Talyp Sport»), Myradow Maksat («Talyp Sport»), Öwekow Ysmaýylmuhammet («Talyp Sport»), Garajaýew Daýanç («Talyp Sport»), Sähedow Gurbangeldi («Milli goşun»), Nursähedow Abdylla («Migrasiýa»), Sapargulyýew Arzuwguly («Köpetdag»).
