Russiýaly hünärmen Mahty Makkaýewiň ýolbaşçylygyndaky Türkmenistanyň agyr atletika boýunça milli ýygyndysy 18 ― 28-nji aprel aralygynda Hytaýyň Ninbo şäherinde geçiriljek Aziýa çempionatyna gatnaşar. Yklym ýaryşynda türkmen agyr atletikaçylary Olimpiada ― 2020-ä gatnaşmaga hukuk gazanmak üçin utugyny artdyrmaga synanyşarlar. Aziýa çempionatynda ýurdumyza 16 türgen wekilçilik eder. Olar tälimçileriň dördüsiniň ýolbaşçylygynda ýaryşar.
Toparyň ýolbaşçysy: Çarygeldi Mämmedow;
Tälimçiler: Mahty Makkaýew, Artur Emirýan, Ahmet Saryýew, Ikram Mätkerimow;
Erkekler ýygyndymyz: Seýitjan Mirzaýew (61 kg. çenli), Bunýad Raşidow (67 kg. çenli), Maksat Meredow (73 kg. çenli), Rejepbaý Rejebow (81 kg. çenli), Muhammet Döwranow (81 kg. çenli), Daýanç Aşyrow (89 kg. çenli), Izzatbek Meredow (96 kg. çenli), Şatlyk Şöhradow (89 kg. çenli), Öwez Öwezow (109 kg. çenli), Hojamuhammet Toýçyýew (109 kg-dan ýokary);
Zenanlar ýygyndymyz: Ýulduz Jumabaýewa (49 kg. çenli), Kristina Şermetowa (55 kg. çenli), Bägül Berdiýewa (55 kg. çenli), Polina Gurýewa (64 kg. çenli), Gülnabat Kadyrowa (76 kg. çenli), Aýsoltan Toýçyýewa (87 kg. çenli).
