Dubaýyň “Marriott” myhmanhanasynyň konferensler zalynda Türkmenistanyň Futbol federasiýasynyň Baş sekretary Ispaniýanyň La-Ligasynyň Merkezi Aziýa we Eýrana jogapkär wekili Haiz Rahmani bilen duşuşyk geçirdi ― diýip, Türkmenistanyň Futbol federasiýasynyň resmi saýty (www.tff.com.tm) habar berýär.
Ikitaraplaýyn geçirilen gepleşigiň dowamynda çagalar we ýetginjekler futbolunda tejribe alyşmak, şeýle-de, ýurdumyzda futboly ýokary derejä çykarmak babatynda pikir alşyldy.
Ýeri gelende aýtsak, Türkmenistanyň futbol wekiliýetiniň şu günler BAE-de dowam edýän Aziýa Kubogyna gatnaşmak maksady bilen gelendigini ýatladýarys.