Gyrgyzystanyň futbol çempionatynyň 19-njy tapgyrynda türkmenistanly legioner Serdaraly Ataýewiň çykyş edýän Bişkek şäheriniň “Alga” topary uly hasapdaky ýeňşini baýram etdi.
Öz meýdanynda “Neftçini” kabul eden “Alga” 5:1 hasabynda ýeňiş gazandy. Bu duşuşykda ildeşimiz netijeli urgularyň ikisini öz adyna ýazdyrdy. Gazanan bu ýeňşinden soň utugyny 33-e ýetiren “Alga” ýaryş tertibinde dördünji orny eýeleýär. Ýaryş tertibinde birinji orny 38 utuk toplan “Dordoý” toparynyň eýeleýändigini ýatladýarys.
Top liga. 19-njy tapgyr: “Alga” – “Neftçi” – 5:1
Gollar: Alykulow 28, Rustamow 34, Turakulow 45+1, SERDARALY ATAÝEW 57,68 (“Alga”) – Moldožusunow 39 (Neftçi”)
