Şu gün Aziýanyň woleýolbol çempionatynyň Merkezi böleginde üçünji orun ugrundaky we final duşuşyklary geçirildi. Üçünji orun ugrunda Gyrgyzystanyň hem-de Nepalyň woleýbolçylary göreşen bolsa, çempionlyk ugrundaky göreş biziň ildeşlerimiz bilen ýer eýeleriniň — Bangladeşiň ýygyndysynyň arasynda boldy.
Üçünji orun ugrundaky duşuşykda gyrgyz woleýbolçylary nepally garşydaşlaryny 3:0 hasabynda ýeňip, ýaryşy bürünç medal bilen tamamladylar. Final duşuşygynda bolsa Türkmenistanyň woleýbol ýygyndysy Banglaşeiň toparyndan 3:1 hasabynda rüstem geldi. Şeýlelikde, türkmen woleýbolçylary taryhda ikinji gezek bu ýaryşyň çempiony boldular.
Ýaryşda bäşinji orny Özbegistanyň, iň soňky orny bolsa Maldiw adalarynyň topary eýeledi.