Belarusyň “Smolewiçi” toparynyň düzüminde okuw-türgenleşik ýygnanyşygyna gatnaşýan Türkmenistanyň milli ýygyndysynyň 26 ýaşly hüjümçisi Wahyt Orazsähedow “Energetik-BTU” toparynyň garşysyna geçirilen ýoldaşlyk duşuşygynda tapawutlandy.
18-nji ýanwarda geçirilen bu duşuşykda “Smolewiçi” topary 2:1 hasabynda ýeňiş gazandy. Topara ýeňiş getiren toplary Wahyt Orazsähedow bilen 24 ýaşly Waleriý Gorbaçek öz atlaryna ýazdyrdylar.
Ýeri gelende aýtsak, “Smolewiçi” topary geçen möwsümde Belarusyň Birinji ligasynda ikinji orny eýeläp, öňümizdäki möwsümde ýerli çempionatyň Ýokary ligasynda çykyş etmäge mümkinçilik aldy.
