Türkiýäniň Beýkoz şäheriniň häkimi Murat Aýdynyň resmi ýygnak wagty egnine pişik çagasy münüp otyrdy, wakanyň wideosyny syýasatçy özüniň sosial ulgamdaky sahypasynda ýerleşdirdi diýip, «Rambler.ru» habar berýär.
Aýdyn ony 1-nji martda bellenilýän Pişikleriň bütindünýä gününe bagyşlady. Pişigiň adynyň Belladygy we onuň häkimlikde ýaşaýandygy belli boldy.
Häkim pişijegiň ulalandygyny we onuň bezzatlyk edip, edaranyň işgärlerini begendirýändigini gürrüň berdi.
