Prezident Serdar Berdimuhamedow Ministrler Kabinetiniň giňişleýin mejlisini geçirdi, Ak Bugdaý etraby 2023-nji ýylyň netijelerine görä Türkmenistanda iň gowusy diýlip yglan edildi, diplomlary Türkmenistanda ykrar edilýän daşary ýurt ýokary okuw mekdepleriniň 2024-nji ýyl üçin sanawy çap edildi we beýleki habarlar
Türkmenistan
1. Prezident Serdar Berdimuhamedow Ministrler Kabinetiniň giňişleýin mejlisini geçirdi. Onda ýurdumyzyň ykdysadyýetiniň pudaklarynda 2023-nji ýylda alnyp barlan işleriň jemleri jemlenildi, wise-premýerleriň, käbir ministrlikleriň ýolbaşçylarynyň, welaýatlaryň häkimleriniň hasabatlary diňlenildi. Şeýle hem gün tertibine ýurdumyzy durmuş-ykdysady taýdan ösdürmek boýunça şu ýyl öňde durýan wezipeler, ýolbaşçylary wezipä bellemek we wezipeden boşatmak bilen bagly meseleler girizildi.
3. Türkmenistanyň Bilim ministrligi resmi saýtynda 2024-nji ýyl üçin diplomlary ýurtda ykrar ediljek we nostrifikasiýa ediljek ýokary okuw mekdepleriniň dünýä reýtingini täzeledi. Hususan-da, Türkmenistanda Moskwanyň uniwersitetler boýunça halkara reýtingine, 2024-nji ýyldaky Bütindünýä uniwersitetiniň reýtingine, 2024-nji ýyldaky QS Dünýä uniwersitetiniň reýtingine we 2024-nji ýyldaky Dünýä uniwersitetleriniň akademiki reýtingine girizilen ýokary okuw mekdepleriniň resminamalary ykrar ediler.
4. Prezident Serdar Berdimuhamedow Ministrler Kabinetiniň giňişleýin mejlisiniň dowamynda Türkmenistanyň Saglygy goraýyş we derman senagaty ministrliginiň ýolbaşçylaryny wezipä belledi we wezipeden boşatdy. Şeýle hem Türkmenistanyň Bilim ministrliginiň, Türkmenistanyň Oba hojalyk ministrliginiň,Türkmenistanyň Gurluşyk we binagärlik ministrliginiňTürkmen döwlet neşirýat gullugynyň ýolbaşçylary wezipä bellenildi we wezipeden boşadyldy.
5. Russiýada geçiriljek Prezident saýlawlarynyň öňüsyrasynda Russiýa Federasiýasynyň Aşgabatdaky ilçihanasy Türkmenistanyň iň uly şäherlerinde bäş saýlaw uçastogynyň açylmagy barada türkmen tarapy bilen ylalaşdy. Saýlaw uçastoklaryny Aşgabatda, Türkmenbaşyda, Türkmenabatda, Maryda we Daşoguzda açmak meýilleşdirilýär. Russiýada Prezident saýlawlaryny 2024-nji ýylyň 17-nji martynda geçirmek meýilleşdirilýär. Ses berişlik üç gün dowam eder: 15, 16 we 17-nji mart.
Dünýäde
6. Gazagystanyň baş sanitariýa lukmany Aýžan Ýesmagambetowa köpçülik ýerlerinde örtük dakynmagy maslahat bermek hakynda karara gol çekdi. Bu koronawirus, gyzamyk we beýleki wirusly respirator ýokançlarynyň köpelmegi bilen baglanyşyklydyr.
7. Hytaý Täze ýylyny bellemek üçin Gonkong söwda merkezi ägirt uly gurnama – tutuşlygyna şarlardan ýasalan äpet aždarha ýerleşdirildi. Onuň uzynlygy 41,77 metre ýetýär, ol resmi taýdan Ginnesiň rekordlar kitabynda hasaba alyndy.
Sport habarlary
8. Türkmen agyr atletikaçysy Anamjan Rustamowa Daşkentde geçirilýän agyr atletika boýunça Aziýa çempionatynda 81 kilograma çenli agram derejesinde bürünç medala mynasyp boldy. Rustamowa silterläp götermekde 105 kilogram netije görkezdi. Ýöne gynansakda, A.Rustamowa itekläp götermekde üç synanyşygyň hiç birini şowly tamamlap bilmedi, bu bolsa ony iki tapgyryň netijeleri boýunça medal almak üçin bäsleşmek mümkinçiliginden mahrum etdi. Aziýa çempionaty Daşkentde 3-nji fewralda başlandy we 10-njy fewrala çenli dowam eder.
9. Gonkong futbolunyň ýyldyzy, «Kitçi» toparynyň we Türkmenistanyň milli ýygyndysynyň hüjümçisi Ruslan Mingazow Gonkongyň «OneTwo» neşirine uzyn interwýu berdi we onda özüniň futbol karýerasy barada gürrüň berdi. Ol Türkmenistanda geçen çagalygy, professional sportdaky ilkinji ädimleri, Ýewropadaky çykyşlary we Gonkonga göçmegi barada gürrüň berdi. Söhbetdeşligiň doly görnüşini «Turkmenportal» saýtynda okap bilersiňiz.
