Kataryň Doha şäheriniň Al Bidda seýilgähinde «EXPO 2023 Doha» bagbançylyk halkara sergisiniň çäklerinde Türkmenistanyň milli gününiň açylyş dabarasyna Türkmenistanyň Ministrler Kabinetiniň Başlygynyň orunbasary B.Atdaýewiň ýolbaşçylygyndaky wekiliýet gatnaşdy. Bu barada Türkmenistanyň DIM-niň resmi saýtynda habar berildi.
Dabaranyň çäklerinde Türkmenistanyň medeniýet we sungat işgärleriniň gatnaşmagynda baýramçylyk konserti hem geçirildi.
Türkmenistanda ekologiýa abadançylygyny üpjün etmek, tebigy goraghanalary gorap saklamak boýunça amala aşyrylýan işler, tebigy we medeni syýahatçylyk zolaklar barada maglumat berilýär. «Durnukly ösüş» mowzugy esasynda taýýarlanan milli pawilýonyň landşafty daşky gurşawy, tebigy biodürlüligi gorap saklamak, suw serişdelerini tygşytlamak we tebigy şertlerde arassalamak ýaly iş ýüzündäki tejribelere esaslanyp, ýurtda ösýän agaçlardyr ösümlikler bilen bezelendir.
